Mumbai Local Mega Block : मुंबईकरांसाठी (Mumbaikar) ही बातमी खूपच महत्वाची आहे. आज जर तुम्ही लोकलने प्रवास (local Travel) करण्याचा विचार करत असाल तर जरा थांबा. कारण आज लोकलने प्रवास करणे तुम्हाला त्रासदायक ठरेल. कारण आज रेल्वेच्या उपनगरीय रेल्वे मार्गावर मेगाब्लॉक घेण्यात येणार आहे. मध्य आणि हार्बर मार्गावर मेगाब्लॉक (Megablock) घेण्यात येणार आहे. त्यामुळे घराबाहेर पडण्यापूर्वी प्रवाशांनी लोकलचे वेळापत्रक पाहणे गरजेचे आहे. उपनगरीय रेल्वे रुळाच्या दुरुस्ती आणि तांत्रिक कामासाठी मध्य (Central Line Mega Block) आणि हार्बर रेल्वे मार्गावर (Harbour Line Mega Block) आज मेगाब्लॉक (Mumbai Local Mega Block) घेण्यात येणार आहे.Also Read – Indonesia Football Match Violence: मृत्यूतांडव! इंडोनेशियात फुटबॉलची मॅच संपल्यानंतर दोन्ही टीमचे समर्थक आमने-सामने, हिंसाचारात 129 जणांचा मृत्यू
असा असेल मध्य रेल्वे मार्गावरील मेगाब्लॉक (Central Line Mega Block) –
आज मध्य रेल्वे मार्गावरील माटुंगा – मुलुंड अप आणि डाउन जलद मार्गावर सकाळी 11.05 ते दुपारी 3.55 वाजेपर्यंत मेगाब्लॉक घेण्यात येणार आहे. छत्रपती शिवाजी महाराज टर्मिनस मुंबई येथून सकाळी 10.25 ते दुपारी 3.35 वाजेपर्यंत सुटणाऱ्या डाउन जलद सेवा माटुंगा आणि मुलुंड दरम्यान डाउन धीम्या मार्गावर वळवल्या जातील. या लोकलसेवा संबंधित स्थानकांवर वेळापत्रकानुसार थांबतील. ठाण्याच्या पुढे जलद असलेल्या या लोकलसेवा मुलुंड येथे डाउन जलद मार्गावर पुन्हा वळवण्यात येतील आणि निर्धारित वेळेच्या 15 मिनिटे उशिराने गंतव्यस्थानी पोहोचतील. Also Read – Ponniyin Selvan Collection: ऐश्वर्या रॉय बच्चनच्या चित्रपटाची पहिल्याच दिवशी तगडी कमाई, जमवला एवढा गल्ला!
तर, ठाणे येथून सकाळी 10.50 ते दुपारी 3.46 वाजेपर्यंत अप जलद मार्गावरील लोकलसेवा मुलुंड आणि माटुंगा दरम्यान अप धीम्या मार्गावर वळविण्यात येणार आहे. या लोकलसेवा वेळापत्रकानुसार त्यांच्या संबंधित स्थानकांवर थांबवल्या जातील. पुढे या लोकलसेवा अप जलद सेवा अप जलद मार्गावर पुन्हा वळवण्यात येतील. दोन्ही मार्गावरील लोकल नियोजित वेळेच्या 15 मिनिटे उशिरा पोहोचतील. Also Read – Hina Khan Photos: व्हाइट साडीत खुलले हिना खानचे सौंदर्य, पाहिला नसेल असा हटके लूक!
असा असेल हार्बर मार्गावरील मेगाब्लॉक (Harbour Line Mega Block) –
हार्बर रेल्वे मार्गावर पनवेल- वाशी अप आणि डाउन मार्गावर सकाळी 11.05 ते सायंकाळी 4.05 वाजेपर्यंत (नेरुळ/बेलापूर-खारकोपर लाईन वगळून) मेगाब्लॉक घेण्यात येणार आहे. पनवेल/बेलापूर येथून सकाळी 10.33 ते दुपारी 3.49 वाजेपर्यंत सुटून छत्रपती शिवाजी महाराज टर्मिनस मुंबई/गोरेगावकडे जाणाऱ्या अप हार्बर मार्गावरील सेवा रद्द राहतील. तर छत्रपती शिवाजी महाराज टर्मिनस मुंबई येथून सकाळी 9.45 ते दुपारी 3.12 या वेळेत पनवेल/बेलापूरकडे जाणाऱ्या अप हार्बर मार्गावरील सेवा रद्द राहतील.
तर, पनवेल येथून सकाळी 11.02 ते दुपारी 3.53 वाजेपर्यंत ठाण्याकरता सुटणाऱ्या अप ट्रान्सहार्बर मार्गावरील सेवा आणि पनवेल येथून सकाळी 10.01 ते दुपारी 3.20 वाजेपर्यंत ठाणेकरीता सुटणाऱ्या ट्रान्सहार्बर मार्गावरील सेवा रद्द राहतील. या मेगाब्लॉक कालावधीत छत्रपती शिवाजी महाराज टर्मिनस मुंबई ते वाशी दरम्यान विशेष लोकल धावतील. ब्लॉक कालावधीत ठाणे-वाशी/नेरुळ स्थानकांदरम्यान ट्रान्सहार्बर रेल्वे सेवा उपलब्ध असेल. ब्लॉक कालावधीत बेलापूर/नेरुळ – खारकोपर दरम्यानच्या उपनगरीय रेल्वे सेवा वेळापत्रकानुसार धावतील. दरम्यान, हार्बर मार्गावरील प्रवाशांना सकाळी 10.00 ते संध्याकाळी 6.00 वाजेपर्यंत मेनलाइन आणि पश्चिम रेल्वेने प्रवास करण्याची परवानगी असणार आहे.